पहिरोका कारण हेटौंडाको बुद्धपार्कमा क्षति

११ असोज, काठमाडौं । अविरल वर्षापछि खसेको पहिरोले मकवानपुरको हेटौंडामा रहेको बुद्धपार्कमा क्षति पुगेको छ । आइतबार बिहान करिब ९ बजेको समयमा पहिरो खस्दा हेटौंडा उपमहानगरपालिका-११ थानाभर्‍याङस्थित राप्ती नदी छेउको बुद्धपार्कमा क्षति पुगेको हो । प्रहरीका अनुसार थानाभर्‍याङ राप्ती छेउबाट पाथिभारा मन्दिर जानेभित्री बाटो समेत जोखिममा रहेको छ ।