रैथाने बालीको पुनरागमन

दसैँ नजिकिँदै गर्दा जुम्लाकी राजकन्या रोकाया खेती भित्र्याउने चटारोमा छिन्। उनको परिवारले खेतबारीमा मकै, कोदो, मार्सी, गहुँ, जौ, फापर, स्याउ, सिमी, चिनो र कागुनो फलाउँछ। वर्षभरि खाएर बचेको अन्न बेच्छन्। यसपालि बजार पाउने थाहा पाएपछि चिनो खेती अलि बढाएका छन्। “ओल्लोघर, पल्लोघरकाले पनि पोहोरपरारको भन्दा बढी नै लगाएका छन्,” घरमाथिको बारीमा पाकेको चिनो टिप्दै गरेको