चार प्रदेशबाट बाहिरियो मनसुन, राति केही स्थानमा वर्षा हुने

काठमाडौं।मौसम पूर्वानुमान महाशाखाले यस वर्षको मनसुन नेपालका केही प्रदेशबाट बाहिरिएको जनाएको छ। असोज १७ गते शनिबार बिहानसम्म सुदूरपश्चिम र कर्णाली प्रदेशका साथै लुम्बिनी प्रदेशको पश्चिमी भूभागका धेरै स्थान र गण्डकी प्रदेशको पश्चिमी भूभागका केही स्थानबाट मनसुन बाहिरिएको हो। महाशाखाका अनुसार हाल कोशी प्रदेशका एक-दुई स्थान र गण्डकी प्रदेशका थोरै स्थानमा हल्कादेखि मध्यम वर्षा भइरहेको छ।