३ वर्षभित्र देशभर डिजिटल नक्सा पास प्रणाली

१७ असोज, काठमाडौं । स्थानीय तहमा हाल प्रचलनमा रहेको झन्झटिलो कागजी नक्सा पास प्रणालीलाई अन्त्य गर्दै सरकारले घर निर्माणको सम्पूर्ण प्रक्रियालाई डिजिटल र एकीकृत बनाउने भएको छ। सङ्घीय संसद्‌मा पेस भएको भवन ऐन, २०५५ लाई संशोधन गर्न बनेको विधेयकले देशभरका सबै भवनको तथ्याङ्क एकै ठाउँमा राख्न राष्ट्रिय भवन अभिलेख प्रणाली स्थापना गर्ने प्रस्ताव गरेको छ।