अरिङ्गालको स्वाद

यो अरिङ्गालको सिजन हो। यतिखेर पहाडी गाउँका मानिसहरू चर्दै-डुल्दै उड्ने अरिङ्गाल पछ्याउँदै त्यसको गोला भेट्टाउन गाउँ, जंगल, रुख, भुइँ चहार्दैछन्। कोही भेटिएको अरिङ्गालको गोला काढ्ने चाँजोपाँजो गर्दैछन्। कोही अघिल्लो पटक आफूहरूले काढेको अरिङ्गालको बखान गर्दैछन्। कोही भने यो वर्ष नपाइने हो कि भन्ने चिन्तामा छन्। पूर्वी पहाडका आदिवासी किरातीहरूले पुर्खाकै पालादेखि अरिङ्गाल खाँदै आएका हुन्।