लोककथाबाट रंगमञ्च आइपुगेको ‘बिज्जो भूत’

‘बिज्जो भूत’ बारे सबैभन्दा पहिले पत्रकार मित्र डीआर पन्तको मुखबाट सुनेको थिएँ। विशेषगरी डडेल्धुरामा बिज्जो भूतको निकै चर्चा हुन्थ्यो। अरू भूतको जस्तो डर लाग्ने कहानी थिएन बिज्जो भूतको। बरु रमाइला-रमाइला किस्सा थिए। कहिलेकाहीँ कसैलाई भारी बोकेर उकालो चढ्न गाह्रो भइरहँदा बिज्जो भूत अचानक आएर भारी बोकिदिन्थ्यो रे। अनि डाँडाको टुप्पोमा पुगेर भारी बिसाएपछि अचानक गायब